"Қарлығаш" жазғы сауықтыру лагерінің жоспарына сәйкес мектеп психологы Н.Мамырова "Көңілді жаздық ойындар" психологиялық тренинг өткізді.Мақсаты: Жақсы көңіл күйдің адами қарым-қатынаста алатын орны туралы оқушылардың түсініктерін қалыптастыру. Дене шынықтыру пәнінің мұғалімі Г.Ахметжанова "Кім жылдам?" эстафеталық сайыс ұйымдастырды.Мақсаты: Оқушыларды белсенділікке, ұйымшылдыққа тәрбиелеу.Сайыс нәтижесінде: "Балдәурен" тобы - бас жүлде, "Ақбота" тобы - 1 орын, "Бәйтерек" тобы - 2 орын,

Мектебімізде "Салем, лагерь - 2025" атты "Қарлығаш" жазғы сауықтыру лагерінің ашылу салтанатты мерекелік іс-шарасы өткізілді.Білім бөлімінің маманы Э.Жалғасқызы мен мектеп директоры Е.Сапарбайұлы оқушыларды мерекесімен құттықтап, ізгі лебіздерін білдірді. Мерекелік іс-шарада оқушылар ән айтып, би билесе, ертегі кейіпкерлері - Буратино, сайқымазақтар, сиқыршы, Жаз аруы оқушыларға керемет көңіл-күй сыйлады. Іс-шара соңында асфальтта суреттер салып, оқушыларға балмұздақтар таратылды.

Мектебімізде 24 мамыр күні бітіруші түлектерге арналган «Мектебім, саған мың алғыс!» атты мерекелік жиын өкізілді.Алғашқы сөз кезегі мектеп директоры Ербол Сапарбайұлына берілді.Мектеп бітіруші түлектер мен олардың ата-аналарын мерекелерімен құттықтай отырып,түлектердің болашақта зор азамат пен азаматша болатындығына сенім білдіретінін айтты. Мерекелік жиынның қонағы аудандық Ішкі саясат бөлімінің басшысы Теміржан Серікұлы мектеп бітіруші түлектерге өзінің жылы лебізін білдіріп, сәт сапар

7 мамыр - Отан қорғаушылар күніне орай "Жас Ұлан" бірыңғай балалар мен жасөспірімдер ұйымына қабылдау болып өтті. "Жас Ұлан" ұйымына - 10 оқушы, "Жас Қыран" ұйымына - 10 оқушы қабылданды.

Мектебімізде 1 мамыр – Қазақстан халқының бірлігі күніне орай іс-шара өтті.Іс-шараға 3-10 сынып оқушылары қатысып, әр ұлт өкілдерін сомдады. Мақсаты - оқушыларға Қазақстан халқының бірлігі мен ынтымағы туралы түсінік беру, татулық пен достықты қадірлеуге тәрбиелеу, ел бірлігі – ел тірегі екенін ұғындыру. Оқушылардың патриоттық сезімін оятып, әр ұлттың мәдениетін құрметтеуге баулу. Қоғамдағы бейбітшілік пен тұрақтылықтың маңызын түсіндіру.

Мектебімізде "Өскен өңір" көгалдандыру акциясы ұйымдастырылды. Мақсаты: Туған өлкемізді жасыл желекке бөлеп, тазалықты сақтауға үйрету.

Мектебімізде 7 сәуір Дүниежүзілік денсаулық сақтау күніне орай "Спорт - денсаулық кепілі" тақырыбында 5-6 сынып оқушылары арасында эстафеталық ойындар ұйымдастырылды. Мақсаты: оқушыларды салауатты өмір сүре білуге шақыру, салауатты өмір салтын қалыптастыру.

"Жас Ұлан" бірыңғай балалар мен жасөспірімдер ұйымының жоспарына сәйкес "Жас Ұланның Жұлдызы" тақырыбында 3-10 сынып оқушылары арасында патриоттық әндер байқауы өткізілді. Мақсаты: Оқушылардың Отанға деген сый құрметін арттырып, өз елінің патриоты болуға тәрбиелеу. Байқау нәтижесінде 9-13 жас ерекшелік бойынша Жолдыбай А., 14-17 жас ерекшелік бойынша Кеңесбай С. аудандық байқауға жолдама берілді.

Мектебімізде 8 наурыз Халықаралық әйелдер мерекесіне орай "Ана деген тіршіліктің тірегі" тақырыбында мерекелік іс-шара өткізілді.Мақсаты - анаға деген алғыс пен сүйіспеншілікті білдіру. Іс-шара барысында оқушылар ән айтып, би билеп, ақ жаулықты аналарға, ұстаздарға ақ тілектерін жыр шумақтары арқылы жеткізді.

Мектебімізде 1 наурыз Алғыс айту күніне орай 1-11 сынып оқушылары арасында "Мың алғыс!" челленджі ұйымдастырылды. Мақсаты: Үлкен-кішіге деген сүйіспеншілігін, сыпайылық қарым-қатынасын дамыту және әдептілікке, кішіпейілділікке тәрбиелеу